Oʻzbekiston va Kot-dʼIvuar oʻrtasida diplomatik munosabatlar oʻrnatildi
29-aprel, seshanba kuni Nyu-York shahrida Oʻzbekiston va Kot-dʼIvuar Respublikasi oʻrtasida diplomatik munosabatlar oʻrnatish toʻgʻrisidagi Qoʻshma kommyunike imzolandi. Bu haqida “Dunyo” dunyo axborot agentligi xabar berdi.
Bildirilishicha, ikki mamlakat hukumatlari nomidan hujjatni Oʻzbekistonning BMTdagi doimiy vakili Ulugʻbek Lapasov va Kot-dʼIvuarning BMTdagi doimiy vakili Tiyemoko Moriko imzolagan.
“Tomonlar xalqaro tashkilotlar, jumladan, BMT va uning ixtisoslashgan muassasalari doirasida qoʻshma hamkorlikni mustahkamlashga tayyor ekanliklarini bildirdilar”, — deyiladi xabarda.
Shuningdek, siyosiy, savdo-iqtisodiy va madaniy-gumanitar sohalarda hamkorlikning oʻzaro manfaatli yoʻnalishlarini topish uchun ikki tomonlama aloqalarni faollashtirish boʻyicha kelishuvga ham erishilgan.
Maʼlumot uchun, Gʻarbiy Afrikada joylashgan Kot-dʼIvuar Respublikasi Oʻzbekiston bilan diplomatik munosabatlar oʻrnatgan 160 davlatga aylandi.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Sardobaning siri nimada?
- Toshkentda “Iqtisodiyot va biznes boshqaruvi sohalarida ilgʻor tadqiqotlar” mavzusidagi xalqaro ilmiy simpozium oʻtkazildi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring