Ўзбекистон бозорларида хавфли иситиш радиаторлари сотилаётгани аниқланди
Фото: Техник жиҳатдан тартибга солиш соҳасида назорат инспекцияси
Ўзбекистон бозорларида хавфли иситиш радиаторлари сотилаётгани аниқланди. Бу ҳақда Техник жиҳатдан тартибга солиш соҳасида назорат инспекцияси томонидан маълум қилинди.
Инспекциянинг Сурхондарё ва Самарқанд вилоятлари бўлимлари томонидан ўтказилган назорат харидларида Хитойда ишлаб чиқарилган “TDS” ва “VALENCIA” бренди остидаги иситиш радиаторлари амалдаги стандарт талабларига жавоб бермаслиги аниқланган.
Уларда сув босимига бардош бера олмаслик, хонани етарлича иситмаслик, сув босими ошганда сув тошиши хавфи каби камчиликлар аниқланган.
“Бу каби нуқсонлар ўрнатилган радиаторлардан фойдаланиш вақтида хавфсизликни жиддий хавф остига қўяди, жумладан — уй ва мол-мулкка зарар етказиши, электр тармоқларида қисқа туташувга олиб келиши, ҳатто ёнғин хавфини келтириб чиқариши мумкин”, дейилади Инспекция хабарида.
Шунингдек, истеъмолчилар агар савдо тармоқларида сифатсиз ёки сохта маҳсулотга дуч келишса 1880 қисқа рақами орқали Техник жиҳатдан тартибга солиш соҳасида назорат инспекциясига мурожаат қилиши мумкинлиги эслатиб ўтилган.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Трамп Корея яриморолидаги можарога якун ясашга ваъда берди
- АҚШ Россияга босим ўтказишнинг муқобил усулларини ўрганмоқда
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг