Ўзбекистон афғон халқига навбатдаги инсонпарварлик ёрдамини юборди — фото

00:45 11 Сентябр 2022 Сиёсат
1958 0

Фото: Сурхондарё вилояти ҳокимлиги матбуот хизмати

Президент Шавкат Мирзиёев топшириғига биноан, Ўзбекистон Республикасининг биродар афғон халқига 58 тонналик зарур озиқ-овқат маҳсулотларидан иборат навбатдаги инсонпарварлик юклари ортилган автомашиналари Ҳайратон чегара ўтказиш пункти орқали қўшни мамлакатнинг Балх вилояти шимолидаги Калдор туманига етказиб берилди.

Фото: Сурхондарё вилояти ҳокимлиги матбуот хизмати

Бу галги кўрсатилган ёрдам аввалгиларидан фарқли равишда, оғир ижтимоий шароитда яшаётган оилаларнинг ўзларига тарқатилди.

Фото: Сурхондарё вилояти ҳокимлиги матбуот хизмати

420 та оилага мўлжалланган инсонпарварлик ёрдами таркибида 50 килограммдан ун, 25 килограммдан гуруч, 10 килограммдан шакар, 10 литрдан ёғ, 10 банкадан тушонка, 10 банкадан мураббо, 2 қутидан макарон, 2 қутидан лапша маҳсулотлари мавжуд.

Фото: Сурхондарё вилояти ҳокимлиги матбуот хизмати

Инсонпарварлик юклари 11-12 сентябрь кунлари қўшни мамлакатнинг бошқа ҳудудларига ҳам етказилади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер