«Орқага қайтайлик дедим»: таъмирлаш ходимлари устига машинани ҳайдаб юборган шахсга чора кўрилди
Самарқанд вилоятида йўлда таъмирлаш ишларини олиб бораётган ишчиларнинг устига машинасини ҳайдаб юборган фуқарога чора кўрилди. Бу ҳақда вилоят ИИБ ЖХХ ЙҲХБ матбуот хизмати хабар қилди.
Маълум қилинишича, Нуробод туманида кўчада ишлаётган махсус эксплуатация, монтаж бўлими ходимлари устига фуқаро ўзининг Kia Сонет русумли автомобилини ҳайдаб, қўпол йўл қоидабузарликларини содир этган.
Ҳолат тасвирланган видеолар ижтимоий тармоқларда тарқалиб, жамоатчиликнинг эътирозларига сабаб бўлди.
Ҳайдовчи қилган ишидан пушаймонлигини айтиб, манзилига шошаётганлиги туфайли бу ҳаракатни содир этганлигини билдирган.
«Мен орқага қайтайлик дедим. Ўтгандан кейин ҳам йигитларга кечиринглар, биз шошаётгандик деб айтдим, лекин шу иш бўлиб қўйди», деган воқеа жойида машинада бўлган йўловчи.
Ҳайдовчига нисбатан суд томонидан 2 йил муддатга ҳайдовчилик гувоҳномасидан маҳрум этиш ҳамда БҲМнинг 25 баравари миқдорида жарима жазоси тайинланган.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Сардобанинг сири нимада?
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг