Иллюстратив фото

Гарвард соғлиқни сақлаш мактабининг америкалик олимлари юракни соғлом сақлаш учун овқатланишнинг асосий тамойилини очиб беришди.

Бир неча ўн йиллар давомида деярли 200 минг кишидан олинган маълумотларнинг таҳлили шуни кўрсатдики, юракни ҳимоя қилишда асосий роль паст углеводли ва кам ёғли парҳезни эмас, балки сифатли маҳсулотни танлаш муҳимдир.

Олимлар гуруҳи турли хил овқатланиш турларининг юрак-қон томир касалликлари хавфига таъсирини солиштирди. Маълум бўлишича, парҳезнинг соғлом версиялари — тўлиқ донлар, сабзавотлар, ёнғоқларга урғу берилганда юрак хасталиклари хавфи 15 фоизга камайган. Шу билан бирга, тозаланган углеводлар ва ортиқча ёғ билан билан боғлиқ вариантлар касаллик хавфини оширган.

Мутахассислар парҳезда қуйидаги озиқ-овқатлар улушини оширишни маслаҳат беришади: сабзавотлар, мевалар, дуккаклилар. Шунингдек, улар қайта ишланган гўшт ва шакарли ичимликлар истеъмолини минималлаштиришни тавсия қилишмоқда.

Олимлар генетика ва турмуш тарзининг парҳезлар самарадорлигига таъсирини, шунингдек, уларнинг қандли диабет ва саратон билан боғлиқлигини ўрганишни режалаштирмоқда. Ушбу маълумотлар шахсийлаштирилган овқатланиш тавсияларини яратишга ёрдам беради.