Фото: Спортни ривожлантириш вазирлиги

Айни кунларда Грециянинг Ираклион шаҳрида оғир атлетика бўйича ёшлар ўртасида Жаҳон чемпионати бўлиб ўтаётганидан хабарингиз бор. Кеча ўғил болалар ўртасида -73 кг. вазндаги баҳслар ўтказилди ва унда ҳамюртимиз Оғабек Тўхтаев ҳам муносиб иштирок этди.

Даст кўтариш машқида Оғабек дастлабки уринишида 133 кг. тошни кўтарган бўлса, кейинги уринишида 136 кг. тошни ўзига бўйсиндирди. Бироқ, сўнгги уринишда спортчимизга 139 кг. тош оғирлик қилди.

Силтаб кўтариш машқида эса ҳамюртимиз ўзининг барча уринишларидан самарали фойланди ва ўз иштирокини 177 кг. натижа билан якунлади.

Иккикурашда кўра умумий ҳисобда 313 кг. натижа қайд этган Оғабек Тўхтаев якунда 4-ўрин билан чекланди. Шундай бўлсада, ушбу жаҳон чемпионати ёш спортичимиз учун катта тажриба мактаби вазифасини ўташига ишонамиз.

Жаҳон чемпионатида кучли учлик эса қуйидагича кўриниш олди:

Ёшлар ўртасидаги Жаҳон чемпионати.

Ўғил болалар, -73 кг. вазн тоифаси

1. Ризқи Жуниансяҳ (Индонезия) – умумий 341 кг. (даст кўтариш – 156 (рекорд) + силтаб кўтариш – 185 кг.);

2. Алексей Чуркин (Қозоғистон) – 329 (146 + 183) кг.;

3. Раян Гримсланд (АҚШ) – 327 (145 + 182) кг.;

4. Оғабек Тўхтаев (Ўзбекистон) – 313 (136 + 177) кг.