NYT: АҚШ Куба президентининг истеъфосига эришмоқчи
АҚШ президенти Дональд Трамп маъмурияти Куба етакчиси Мигель Диас-Канелнинг лавозимидан кетишига эришиш ниятида. Бу ҳақда The New York Times нашри ўз манбаларига таяниб хабар бермоқда.
Нашр суҳбатдошларининг таъкидлашича, Вашингтон ҳозирча Куба ҳукуматининг тўлиқ истеъфосини талаб қилмаяпти, балки асосий эътиборни шахсан президент Мигель Диас-Канелни алмаштиришга қаратган.
Америкалик мулозимларнинг фикрича, амалдаги президент лавозимидан кетса, Кубада чуқур таркибий иқтисодий ислоҳотларни амалга ошириш имконияти туғилади. Диас-Канелнинг ўзи эса бундай кескин ўзгаришларни қўллаб-қувватлашига АҚШ ишонмаяпти.
Хабарда айтилишича, Кубанинг янги раҳбари ролига энг эҳтимолли номзод сифатида Рауль Кастронинг набираси — Рауль Гильермо Родригес Кастро кўрилмоқда. У аллақачон музокаралар жараёнида иштирок этаётгани айтилмоқда.
Маълумот учун: Куба ҳозирда сўнгги ўн йилликлардаги энг оғир энергетик ва иқтисодий инқирозни бошдан кечирмоқда. Мамлакатда ёнилғи танқислиги сабабли электр таъминотида тез-тез узилишлар (блэкаутлар) кузатилмоқда.
Тавсия этамиз
Кўп ўқилганлар
- Нодирбек Абдусатторов Прагадаги шахмат фестивалида чемпионликни қўлга киритди
- Матчанов Умирзак Сеитжановичнинг иқтисодиёт фанлари бўйича фалсафа доктори (PhD) диссертация ҳимояси эълони
- Яқин Шарқдаги кескинликнинг нархи: АҚШ, Исроил ҳамда Эрон уруш учун қанча сарфлаяпти?
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг