Непалда самолёт ҳалокати оқибатида 68 киши ҳалок бўлди
Фото: Reuters
Непаль фуқаро авиацияси бошқармаси самолёт ҳалокатида 68 киши ҳалок бўлганини маълум қилди.
Непалда "Yeti Airlines" авиакомпаниясининг "TR 72" йўловчи самолёти қулаши оқибатида 68 киши ҳалок бўлди. Қурбонлар сони мамлакат фуқаро авиацияси бошқармаси ҳам тасдиқлади.
Самолёт бортида жами 72 киши бўлган, улардан тўрт нафари экипаж аъзоси бўлган.
"Yeti Airlines" авиакомпаниясининг "ATR 72" самолёти 15 январь куни Похара халқаро аэропортининг учиш-қўниш йўлагида қулаб тушди. Фожиа сабаблари ўрганилмоқда.
Маълум қилинишича, лайнер Катманду — Похара йўналишида рейсни амалга ошираётган эди. Йўловчилар орасида 53 нафар непаллик ва 15 нафар хорижлик бўлган. Хусусан, бортда беш нафар ҳиндистонлик, тўрт нафар россиялик, икки нафар жанубий кореялик ҳамда бир нафар Австралия, Франция, Аргентина ва Ирландия фуқаролари бўлган.
Тавсия этамиз
Кўп ўқилганлар
- Шавкат Мирзиёев аҳоли бандлигини таъминлаш ва камбағалликни қисқартиришга оид муҳим қарорни имзолади
- Ўзбекистонда 2025 йил 1 апрелдан электр энергияси ва газ нархлари оширилади
- “Энг яхши мақолалар” танлови ғолиблари аниқланди
- Ҳарбий хизматни ўташ билан боғлиқ тартиблар янгиланади
- Вояга етмаганлар ўртасида ҳуқуқбузарликлар профилактикаси тизими такомиллаштирилмоқда
- Наманганда 3 та йирик институт битта университетга бирлаштирилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг