Неймар жаҳон чемпионатида бошқа майдонга туша олмаслиги мумкин
Фото: Reuters
Бразилия терма жамоаси ҳужумчиси Неймар Қатарда ўтаётган жаҳон чемпионатининг 1-тури доирасида Сербияга қарши учрашувда олган жароҳатига изоҳ берди.
«Бугун бутун фаолиятимдаги энг оғир кунлардан бири бўлди... Мен жароҳат олдим, аммо ишончим комилки, мен бу турнирда ўйнаш имкониятига эга бўламан ва жамоадошларимга ёрдам бера оламан, деб ўйлайман», дейди Неймар.
Аввалроқ, Бразилия терма жамоаси шифокори Неймар жаҳон чемпионатининг 2-турида майдонга тушмаслигини тасдиқлаган эди.
30 ёшли ҳужумчи Сербияга қарши ўйинда ўнг тўпиғи пайини шикастлаб олган. Ушбу учрашувда Бразилия 2:0 ҳисобида ғалаба қозонди. Ҳар икки гол ҳам ҳужумчи Ришарлисон томонидан рақиб дарвозасига киритилди.
Бразилия кейинги турда Швейцария терма жамоасига қарши майдонга чиқади. Учрашув 28 ноябрь куни бўлиб ўтади. Гуруҳ босқичидаги сўнгги турда бразилияликлар Камерун билан беллашади. Мазкур ўйин 2 декабрь куни бўлиб ўтади.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг