Мотокросс бўйича Ўзбекистон терма жамоаси халқаро мусобақа совриндори бўлди

19:22 12 Июнь 2023 Спорт
3635 0

Фото: “Ватанпарвар” ташкилоти Матбуот хизмати

Жорий йилнинг 10-11 июнь кунлари Россия Федерациясининг Краснодар ўлкасидаги Қора денгиз соҳилида жойлашган мототрассада 15 та давлат спортчилари ўртасида мотокросс бўйича "Winline Ҳамдўстлик Кубоги – 2023" халқаро мусобақаси бўлиб ўтди.

Ўзбекистон Республикаси мудофаасига кўмаклашувчи “Ватанпарвар” ташкилоти Матбуот хизмати хабарига кўра, мусобақада Россия, Арманистон, Белорус, Қозоғистон, Ўзбекистон, Қирғизистон, Тожикистон, Озарбайжон, Мўғулистон, Жанубий Корея, Хитой, Ҳиндистон, Туркия ва Италиянинг энг яхши мотокроссчилари 65 куб.см, 85 куб.см, 125 куб.см (аёллар, ёшлар), "МХ1", "МХ2" ва "МХ Open" синфларида ўзаро беллашдилар.

Айтиш мумкинки, ушбу нуфузли беллашувни икки кун давомида бутун дунё бўйлаб экстремал спорт мухлислари катта қизиқиш ва ҳаяжон билан кузатдилар.

Фото: “Ватанпарвар” ташкилоти Матбуот хизмати

Қувонарлиси, халқаро мусобақасида Ўзбекистон Республикаси мудофаасига кўмаклашувчи “Ватанпарвар” ташкилоти спортчиларидан иборат Ўзбекистон миллий терма жамоаси аъзолари Эмран Аблязов 125 куб.см ("МХ2"), Жасур Саматов 250 куб.см ("МХ1") ва Константин Сичёв "МХ Open" синфларида қатнашиб, умумжамоа ҳисобида фахрли учинчи ўринни эгалладилар.

Биринчи ўрин Россия, иккинчи ўрин эса Қозоғистон терма жамоаларига насиб этди. Ғолиблар ва совриндорлар ташкилотчиларнинг белгиланган пул мукофотлари, медаллари ва эсдалик совғалари билан тақдирландилар.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?