Иллюстратив фото

Бен-Гурион, Гарвард ва Лейпциг университетларининг олимлари яшил чой билан тўлдирилган Ўрта ер денгизи парҳезининг махсус варианти миянинг қариш жараёнини секинлаштиришга ёрдам беришини аниқладилар. Тадқиқот натижалари “Clinical Nutrition” журналида чоп этилди.

18 ой давом этган тажрибада 300 нафарга яқин киши иштирок этди. Улар учта парҳездан бирига амал қилишди: стандарт соғлом парҳез, классик Ўрта ер денгизи парҳези ёки унинг «яшил» тўлдирилгани.

Ўрта ер денгизи парҳези Греция, Италия, Испания ва бошқа Ўрта ер денгизи мамлакатлари қирғоқ минтақалари аҳолисининг анъанавий овқатланиш одатларига асосланади. Бу кўп миқдорда сабзавот, мева, балиқ, денгиз маҳсулотлари ва ёнғоқларни истеъмол қилишни ўз ичига олади.

Тадқиқотнинг бир қисми сифатида “яшил” тур яшил чой ва манкай ўсимлик билан тўлдирилди. Бу сабзавот экини сув ўтлари оиласига мансуб ҳисобланади.

Қон тестлари учинчи гуруҳ иштирокчиларида миянинг тез қариши билан боғлиқ бўлган оқсиллар пастроқ эканини кўрсатди. Тадқиқотчилар бу таъсирни яшил чой ва манкай таркибидаги яллиғланишга қарши бирикмалар билан боғлашади. Олимларнинг фикрига кўра, бундай озиқ-овқат маҳсулотларини ёнғоқ ва зайтун мойи каби соғлом ёғлар билан тўлдириш мумкин. Булар нейрон мембраналарини яратиш ва ҳужайраларни оксидланишдан ҳимоя қилиш орқали когнитив функцияни қўллаб-қувватлайди.