Месси гол урган ўйинда Аргентина яна финалга чиқди. У «Олтин тўп» олиши мумкинми?
Фото: airedesantafe.com.ar
АҚШда ўтказилаётган «Copa America—2024» мусобақасининг ярим финал учрашувида Аргентина терма жамоаси Канада терма жамоасини 2:0 ҳисобида мағлуб этиб, биринчи финалчига айланди.
Аргентиналикларнинг голларига Хулиан Альварес ва саккиз карра «Олтин топ» эгаси Лионель Месси муаллифлик қилди. Шу билан бирга, Аргентина жамоаси сардори учрашувнинг энг яхши ўйинчиси деб топилди.
Қайд этиш керакки, Аргентина кетма-кет иккинчи бор «Copa America» финалига чиқди. 2021 йилда аргентиналиклар Бразилия терма жамоасини мағлуб этиб, кубокни қўлга киритган эди. Иккинчи финалчи эртага (11 июль) Уругвай — Колумбия учрашувида аниқланади.
«Reddit» ижтимоий тармоғида «агар Месси «Copa America» турнирида ғалаба қозонса, «Олтин тўп»ни қўлга киритадими?» сўровномаси машҳурликка эришди.
Айрим мухлислар 2021 йилги «Олтин тўп» Мессининг айнан шу турнирни ютгани сабабли берилган деган иддаоларни илгари суришган.
Тавсия этамиз
Кўп ўқилганлар
- Эҳтиёжманд оилаларга электр ва газ бўйича компенсация берилади
- Танзила Нарбаева Парламентлараро иттифоқнинг 150-юбилей ассамблеяси Президенти этиб сайланди
- Тошкентда Парламент аёл аъзолари форумининг 39-сессияси бўлиб ўтди
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Айрим оилаларга бир марталик моддий ёрдам берилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг