Фото: Reuters

АҚШ президенти Дональд Трамп, агар Москва Украинадаги можарони тинч йўл билан ҳал қилишга рози бўлмаса, Россия нефтига қарши янги санкциялар билан таҳдид қилишда давом этмоқда. Оқ уй раҳбарининг баёнотларини шарҳлар экан, Кремль расмий вакили Дмитрий Песков АҚШ томони билан алоқалар давом этаётгани ва музокаралар куч талаб этишини айтди.

Трамп аввалроқ Украина бўйича келишувга эришилишини кутаётгани ва Россия раҳбарияти бунга тайёр эканлигига ишонишини айтган эди.

“Мен унинг [Владимир Путиннинг] нефтига иккиламчи божлар жорий қилмоқчи эмасман, лекин агар у ишни бажармаса, мен буни қила оламан деб ўйлайман”, — дейди Доналд Трамп

Ўз навбатида, Песков Москва АҚШ томони билан алоқаларни давом эттираётганини айтди.

“Украина инқирозини ҳал қилиш билан боғлиқ кун тартибидаги моддалар жуда мураккаб ва улар қўшимча ҳаракатларни талаб қилади”, дейди Песков.

Россия Давлат думаси депутати Алексей Чепа АҚШ президентининг баёнотлари унинг умумий риторикаси доирасида қолмоқда, деган фикрни билдирди.

“Бу сўзлар билан Трамп Украина можаросини қанчалик тез тугатиши ҳақидаги олдинги баёнотларини қандайдир тарзда оқламоқчи”, — дейди сиёсатчи. Унинг фикрича, АҚШ етакчиси тинч йўл билан ҳал қилиш кўплаб деталлар устида машаққатли меҳнат талаб қилишини англай бошлади.

Ўз навбатида, Федерация Кенгашининг халқаро ишлар бўйича қўмитаси раисининг ўринбосари Андрей Климов Трампнинг божлар жорий қилиш таҳдидини Россия билан мулоқот қилиш учун қилинган танқид билан боғлади.

“Менимча, Трамп буни бизга эмас, балки Америка Қўшма Штатлари ва НАТОнинг бошқа мамлакатларидаги рақибларига айтмоқда. У Россия билан қандайдир яқинлашуви учун жуда қаттиқ танқид қилинмоқда”, — дейди Андрей Климов.

Оқ уй раҳбари Россиянинг Украинада ўт очишни тўхтатиш бўйича келишиб олиш муддати борлигини таъкидлади. Бу борада аниқ саналар йўқ, лекин интуицияга таяниб шундай деган.

“У [Путин] ўз сўзидан қайтмайди, деб ўйламайман”, — деган Трамп Россия президентини “жуда узоқ вақтдан бери” билишини таъкидлаб.