Foto: Reuters

AQSH prezidenti Donald Tramp, agar Moskva Ukrainadagi mojaroni tinch yoʻl bilan hal qilishga rozi boʻlmasa, Rossiya neftiga qarshi yangi sanksiyalar bilan tahdid qilishda davom etmoqda. Oq uy rahbarining bayonotlarini sharhlar ekan, Kreml rasmiy vakili Dmitriy Peskov AQSH tomoni bilan aloqalar davom etayotgani va muzokaralar kuch talab etishini aytdi.

Tramp avvalroq Ukraina boʻyicha kelishuvga erishilishini kutayotgani va Rossiya rahbariyati bunga tayyor ekanligiga ishonishini aytgan edi.

“Men uning [Vladimir Putinning] neftiga ikkilamchi bojlar joriy qilmoqchi emasman, lekin agar u ishni bajarmasa, men buni qila olaman deb oʻylayman”, — deydi Donald Tramp

Oʻz navbatida, Peskov Moskva AQSH tomoni bilan aloqalarni davom ettirayotganini aytdi.

“Ukraina inqirozini hal qilish bilan bogʻliq kun tartibidagi moddalar juda murakkab va ular qoʻshimcha harakatlarni talab qiladi”, deydi Peskov.

Rossiya Davlat dumasi deputati Aleksey Chepa AQSH prezidentining bayonotlari uning umumiy ritorikasi doirasida qolmoqda, degan fikrni bildirdi.

“Bu soʻzlar bilan Tramp Ukraina mojarosini qanchalik tez tugatishi haqidagi oldingi bayonotlarini qandaydir tarzda oqlamoqchi”, — deydi siyosatchi. Uning fikricha, AQSH yetakchisi tinch yoʻl bilan hal qilish koʻplab detallar ustida mashaqqatli mehnat talab qilishini anglay boshladi.

Oʻz navbatida, Federatsiya Kengashining xalqaro ishlar boʻyicha qoʻmitasi raisining oʻrinbosari Andrey Klimov Trampning bojlar joriy qilish tahdidini Rossiya bilan muloqot qilish uchun qilingan tanqid bilan bogʻladi.

“Menimcha, Tramp buni bizga emas, balki Amerika Qoʻshma Shtatlari va NATOning boshqa mamlakatlaridagi raqiblariga aytmoqda. U Rossiya bilan qandaydir yaqinlashuvi uchun juda qattiq tanqid qilinmoqda”, — deydi Andrey Klimov.

Oq uy rahbari Rossiyaning Ukrainada oʻt ochishni toʻxtatish boʻyicha kelishib olish muddati borligini taʼkidladi. Bu borada aniq sanalar yoʻq, lekin intuitsiyaga tayanib shunday degan.

“U [Putin] oʻz soʻzidan qaytmaydi, deb oʻylamayman”, — degan Tramp Rossiya prezidentini “juda uzoq vaqtdan beri” bilishini taʼkidlab.