Швециянинг Чалмерс технология университети олимлари кийим-кечакларни зарядловчи станцияга айлантира оладиган ипак ипни ихтиро қилди. У ўтказувчан пластмасса билан қопланган ва тўқимачилик маҳсулотига электр генераторининг хусусиятларини беради.

Муаллифлар термоэлектрик ишланма инсон танаси ва атрофдаги ҳаво ўртасидаги ҳарорат фарқини электр потенциалига айлантиришига эришди. Келажакда унга датчикларни улаш, масалан, юрак уришини кузатиш мумкин бўлади.

Олимлар ипнинг янги турини яратиш улар ҳаво билан алоқа қилишда жуда барқарор ва айни пайтда яхши электр ўтказувчанлигига эга бўлган янги кашф этилган полимер туридан фойдаланган.

Кейин жамоа иккита термоэлектр генераторини ясади: ип билан тикилган тугма ва ип билан тикилган мато. Тўқимачилик турли хил ҳароратларда иккита сирт орасига қўйилганда, ўлчаш мосламасидаги кучланиш кучая бошлади.

Шундай қилиб, каттароқ бўлак 30 даража цельсий ҳарорат фарқи билан 6 милливольт ишлаб чиқарди. Назарий жиҳатдан, у УСБ улагичи орқали портатив электрон қурилмаларни заряд қилиш учун ишлатилиши мумкин.

Ип кир ювиш машинасида бир неча марта ювилганидан кейин ҳам у ўз функциясини сақлаб қолди.