Саминжон ҲУСАНОВ/«Халқ сўзи». Республикамизда давлатимиз раҳбари ташаббуси билан электр энергияси таъминотидаги узлуксизликни йўлга қўйиш, истеъмолчиларга сифатли хизмат кўрсатиш, бунинг учун гидроэнергетика соҳасини янги босқичга олиб чиқиш бўйича самарали ишлар амалга оширилмоқда.

— Хўжаобод туманидаги “Ипакчи” МФЙ ҳудудидан оқиб ўтувчи «Катта Фарғона” канали бўйида “XJY POWER PTE ANDIJAN” МЧЖ томонидан қиймати 5 млн. АҚШ долларига тенг гидроэлектр станцияси қурилиши ишлари давом этяпти, — дейди вилоят ҳокимлиги ходими Рустамжон Эшонов. — Хорижий инвесторлар иштирокидаги ушбу лойиҳа фойдаланишга топширилгач, бир йилда 1,8 МВт электр энергияси ишлаб чиқарилади. Бу билан нафақат, аҳолининг балки, ижтимоий-иқтисодий соҳа объектларининг ҳам электр таъминотига бўлган эҳтиёжи тўлиқ қондирилади.

Бундай истиқболли лойиҳаларга вилоятнинг бошқа ҳудудларида ҳам киришилган. Келгусида 536 та ГЭС, микро ГЭСлар қурилиши режалаштирилган.