Хитойлик сармоядорнинг кўнгли тўлди

11:56 19 Июль 2021 Иқтисодиёт
668 0

Хитойлик сармоядор Ҳоу Линг бундан уч ой аввал Учқўрғон туман давлат хизматлари марказида хорижий корхонасини рўйхатдан ўтказган эди. Қисқа вақт ичида 5 миллион АҚШ доллари миқдорида инвестиция киритилиб, янги технологиялар ўрнатилди. Айни пайтда бу ерда қишлоқ хўжалигида унумли саналган томчилатиб суғориш ускуналари тайёрланмоқда. Ҳозирга қадар истеъмолчиларга 4 миллиард сўмлик маҳсулот етказиб берилди. Асосий харидорлар ичида Тошкент ва бошқа вилоятлардаги фермер хўжаликлари бор.

— Ўзбекистонда бизнес юритиш имкониятларидан кўнглим тўлди,-дейди хитой лик инвестор. –Қулай ишлаб чиқариш инфратузилмаси, маҳаллий аҳолининг меҳнатга рағбати ҳар қандай сармоядорга қанот бағишлайди. Айниқса, замонавий биноларда хизмат кўрсатаётган Давлат хизматлари маркази ходимлари менда яхши таассурот қолдирди. Ҳужжатларни расмийлаштириш ва хорижий корхона очиш жуда енгил кечди. Эндиликда бизнесимни янада кенгайтириш ҳаракатидаман.

Қудратилла НАЖМИДДИНОВ,
«Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?