Хитой давлат банклари Россиядаги активларини камайтирмоқда. Хабарларга кўра, бунда Москвага қарши санксиялар икки давлат ўртасидаги савдони мураккаблаштиргани сабаб бўлган. «Newsweek» вазият жиддийлашаётгани ҳақида ёзган.

Маълум бўлишича, 2024 йилнинг иккинчи чорагида Хитой давлат банки Россиядаги активларини 37 фоизга, Хитой саноат ва тижорат банки эса 27 фоизга қисқартирди. Ушбу ҳаракатлар халқаро санксиялар туфайли тўловлар билан боғлиқ ортиб бораётган қийинчиликларни кўрсатиб беради.

Шунда қарамасдан, Хитойнинг энг йирик банклари томонидан қисқартиришларга қарамай, «China Construction Bank» ва «China Agricultural Bank» каби кичикроқ муассасалар Россиядаги активларини оширди.

Қайд этилишича, ушбу банклар ҳам халқаро транзаксияларда қийинчиликларга дуч келишмоқда ва умуман олганда, Хитой банклари Россияда етарли даражада ўзини хавфсиз ҳис қилмаяпти.

Россия корхоналари Хитой банклари орқали тўловларни амалга оширишни қийинлаштирмоқда. Хитой банклари кўпроқ эҳтиёткор бўлиб, талабларга риоя қилишни истайди ва санкцияланган Россия товарлари ёки компаниялари билан боғлиқ тўловларни рад этишади. Бу эса ўз навбатида Москвага маъқул келмаяпти.

Аввалроқ, Ўзбекистонда интернет тармоғига уланган абонентлар сони қанчалиги очиқланганди.