Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Дзюдочиларимиз бугун аралаш жамоавий дастурда ўз иштирокларини бошлашади.

Қуръага кўра, ҳамюртларимиз 1/8 финалда Канадага қарши баҳс олиб боришади. Беллашув учун жамоаларнинг таркиби билан танишинг:

-57 кг: Шукуржон Аминова – Криста Дегучи

-73 кг: Муроджон Йўлдошев – Артур Маржелидон

-70 кг: Гулноза Матниязова – Катерин Бошнен-Пинар

-90 кг: Давлат Бобонов – Франсуа Готе-Драпо

+70 кг: Ирисхон Қурбонбоева – Лора Исаси

+90 кг: Алишер Юсупов – Шади Эл Наҳас

Қайд этиш керакки, дзюдочиларимиз яккалик беллашувларида 1 та олтин ва 2 та бронза медалларига сазовор бўлиб, Олимпиадалардаги энг яхши натижамизни қайд этишди.

Эслатиб ўтамиз, Диёра Келдиёрова олтин, Музаффарбек Тўрабоев ва Алишер Юсуповлар бронза медалига эга чиқишганди.

«Халқ сўзи» дзюдочиларимизга аралаш жамоавий баҳсларда ҳам омад тилайди.