Камала Харриснинг АҚШ президентлиги сайловида ғалаба қозониш имконияти ошди
Америка букмекерлик конторалари «Ipsos» компанияси сўрови натижалари эълон қилинганидан сўнг жорий йилнинг ноябрь ойида бўлиб ўтадиган президентлик сайловларида АҚШ вице-президенти Камала Харриснинг ғалаба қозониш имкониятини оширди. Бу ҳақда «Newswek» учта йирик букмекерлик конторалари маълумотларига таяниб хабар тарқатди.
«Ipsos»нинг 22 ва 23 июль кунлари ўтказган сўровига кўра, респондентларнинг 44 фоизи Харрисни қўллаб-қувватлаган. 42 фоизи эса АҚШнинг собиқ президенти, Республикачилар партиясидан номзод Доналд Трампга овоз беришга тайёрлигини билдирган.
«Бир қатор букмекерлик идораларининг фикрича, ноябрь ойида вице-президент Камала Харриснинг президентликка сайланиш эҳтимоли сўнгги 24 соат ичида сезиларли даражада ошган», дейилади манбада.
Мақолада айтилишича, «Bet365» букмекерлик компанияси сўровнома эълон қилинишидан олдин Харриснинг ғалаба қозониш эҳтимолини 36,4 фоизга баҳолаган. Аммо кейин бу кўрсаткич 40 фоизга кўтарилган. Тадқиқот натижалари эълон қилинишидан олдин АҚШ вице-президенти имкониятларини 36,4 фоиз, деб баҳолаган «William Hill» контораси энди бу эҳтимолни 42,1 фоизга оширган. Сўровномага Харриснинг президентликка сайланиш имкониятини 38,1 фоизга баҳолаган «Sky Bet» энди бу кўрсаткични 42,1 фоизга кўтарди.
Ўз навбатида, «Polymarket» онлайн-сервиси Трампнинг ғалаба қозониш имкониятларини амалдаги давлат раҳбари Жо Байден президентлик пойгасидан чиқишини эълон қилганидан кейин 62 фоизга баҳолаганди. Шу билан бирга, 22 июлдан 24 июлга қадар мамлакат вице-президентининг имкониятлари 30 дан 35 фоизга оширди.
Байден 21 июль куни иккинчи муддатга сайланмаслигини эълон қилди ва сайловда вице-президент Камала Харрис номзодини қўллаб-қувватлашини билдирди.
АҚШда президентлик сайловлари 5 ноябрга белгиланган.
Тавсия этамиз
Кўп ўқилганлар
- Дам олиш кунлари ҳарорат +27 даражагача пасаяди
- «Барселона»га келган Дани Олмо клубни қийин аҳволга солиб қўйди
- Бир ойлик ҳарбий хизмат тўлови миқдори оширилади
- Мбаппе «Реал» учун гол урган ўйинда УЕФА Суперкубогига эга чиқди
- «Андижон» клуби футболчиси Миллий гвардия ходимини уриб, жароҳат етказди
- ЙҲХБ: Тартибга солинмаган ўтиш жойидан ўтаётган пиёдалардан қўлларини баланд кўтаришни сўраймиз
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг