Фото: Reuters

Таҳлилчиларнинг айтишича, охирги 36 соат ичида Исроилнинг Ливанни бомбардимон қилиши кучаймоқда. Бу Эронга жавоб зарбасини беришга ҳозирланаётган Исроилнинг Ливан билан фронтни тезроқ ёпиш истагини билдиради. Унга кўра, исроилликлар минтақада ўнлаб йиллар давомида эга бўлган тўсиқни тиклаш учун нимадир қилиш керак, аммо улар ҳали ҳам ливанликлар билан уришаётган пайтда буни амалга ошириш имконига эга эмаслар.

Исроил “Ҳизбуллоҳ”ни тўлиқ зарарсизлантира олмаслиги мумкин, аммо у Эрон билан уруш пайтида Ливан гуруҳини жиловлаб турадиган БМТ томонидан қўллаб-қувватланган сулҳга эришиш учун уни етарлича заифлаштирмоқчи. Шунинг учун улар ҳозирда ҳужумларини кучайтирмоқда ва буни Америка сайловлари олдидан қилиши керак.

Исроил аскарлари, шунингдек, 16 октябр куни Набатиядаги “Ҳизбуллоҳ” инфратузилмасига ҳужум қилганини маълум қилди. Гуруҳнинг ўнлаб нишонларига зарба берилгани айтилмоқда.

Ҳарбий ҳаво кучлари “Ҳизбуллоҳ” тинч аҳолидан тирик қалқон сифатида фойдаланган ҳолда аҳоли бинолари яқинида жойлашган ҳарбий бинолар, ҳарбий штаблар ва ўқ-дорилар омборларига зарба берганини қўшимча қилган.

Ливан соғлиқни сақлаш вазирлигининг маълум қилишича, Исроил ҳаво кучларининг иккита шаҳар биносига берган зарбалари оқибатида камида беш киши, жумладан, шаҳар мэри ҳалок бўлган.

Исроил армияси, шунингдек, мамлакат кучлари Ливан жанубида яшаш жойларини ўз ичига олган шахталар тизими ва ер ости инфратузилмасига рейд ўтказиб, қурол топганини айтди. Инфратузилма йўналиши қишлоқнинг қоқ марказида бўлиб, фуқароларнинг уйлари остида жойлашган.