Грузиянинг Ўзбекистондаги янги элчиси тайинланди
Давид Котариа Грузиянинг Ўзбекистондаги янги элчиси этиб тайинланди. Бу ҳақда Ташқи ишлар вазири Бахтиёр Саидов ўзининг Telegram каналида хабар берди.
Унга кўра, Давид Котариа кеча, 19 февраль куни Ўзбекистон ТИВ раҳбарига ишонч ёрлиғи нусхаларини топширган.
«Мамлакатларимиз ўртасидаги икки томонлама алоқаларни кенгайтириш йўлларини муҳокама қилиб, ҳамкорликнинг устувор йўналишларини белгилаб олдик», деб ёзади Бахтиёр Саидов.
Шунингдек, вазир Ташқи ишлар вазирлиги элчини Ўзбекистонда самарали дипломатик миссиясини амалга оширишда ҳар томонлама қўллаб-қувватлашга тайёр эканини таъкидлаган.
Эслатиб ўтамиз, аввалроқ Испания, Канада ва Эстониянинг Ўзбекистондаги янги элчилари тайинлангани, Ташқи ишлар вазири Бахтиёр Саидов дипломатлардан ишонч ёрлиқларини қабул қилиб олгани ҳақида хабар берилган эди.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Яна бир бозор аукционга қўйилди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг