Россия қўшинлари Украина фронт чизиғининг кенг қисмида аста-секин олдинга силжишда давом этмоқда. Хабар қилинишича, бу Украина аскарлари етишмаслиги сабабли содир бўлган. Фронт чизиғидаги сўнгги вазиятни акс эттирувчи хариталарда Россиянинг ҳарбий ютуқлари кўрсатилган. Бу ҳақда «Newsweek» хабар берди.

Қайд этилишича, Урушни ўрганиш институти Донеск вилоятидаги Покровск шаҳри яқинида Россия кучлари жануб ва жануби-шарққа қараб илгарилаганини қайд этди. Селидово шаҳри яқинидаги ғарбий ҳудудлар Россия томонидан октябрь ойида эгалланган.

Торецк шаҳри яқинида ҳам Россия кучлари илгарилашга эришди, аммо Украина баъзи ҳужумларнинг муваффақиятсиз бўлганини билдирди. Урушни ўрганиш институтининг тақдим этаётган хариталари шунингдек, Шахтёрск ва Максимовка шаҳарлари Россия томонидан эгалланганини кўрсатмоқда. Украина ҳам Торецк шимолида айрим ҳудудларда илгарилаган.

Купянск ва Кременная йўналишларида Россия кучлари одимлаган, аммо Украина кучлари Лиман томонида Россия ҳужумини қайтаришга муваффақ бўлди. Урушни ўрганиш институти хариталари Россиянинг Новосёловское ғарбида ҳам ютуқларини кўрсатяпти. Бошқа ҳудудларда эса, Харков вилоятининг шимолида кичик пиёда отрядлари билан ҳужумлар уюштирилган.

Украина армияси аскар етишмаслиги ва тизимли муаммолар туфайли айрим ҳимоя чизиғида чекинишга мажбур бўлмоқда. Украина армиясининг ресурсларини қайта тўлдириш учун ҳаракатлар қилиняпти. Апрел ойида Украина мобилизация қонунларини ўзгартириб, 18 ёшдан 60 ёшгача бўлган эркакларни электрон базага киритиш талабини киритганди.

Аввалроқ, қайси енгил автомобил Ўзбекистонда кўпроқ ишлаб чиқарилгани ҳақида хабар берилганди.