Финляндия бош вазири Украина иттифоқчиларини Россиядан кучлироқ бўлишга чақирди
Фото: Reuters
Финляндия бош вазири Петтери Орпо «Politico» нашрига берган интервьюсида АҚШ президенти Дональд Трамп охир-оқибат Украинани Россиядаги нишонларга зарба бериш учун узоқ масофага учувчи «Tomahawk» ракеталари билан таъминлашига умид билдирди.
Унинг таъкидлашича, Россия «доимий хавфсизлик таҳдиди» ва шунинг учун Украина «ўзини ҳимоя қилиш учун» қуролга муҳтож. Агар Киевнинг иттифоқчилари можарони тўхтатмоқчи бўлса, «улар Россиядан кучлироқ бўлиши керак», — дейди сиёсатчи.
«Умид қиламанки, улар Россияга қарши зарбалар бериш ва ўзини ҳимоя қилиш учун зарур имкониятларни олади. Бу Зеленский ва АҚШ ўртасидаги муаммо эканини биламиз ва улар ечим топишига жуда ишонамиз», — дейди Орпо.
Аввалроқ «The Wall Street Journal» нашри Трамп Украина етакчиси Владимир Зеленскийга Оқ уйда бўлиб ўтган учрашувда яқин орада «Tomahawk» ракеталарини олишни кутмаслиги кераклигини айтгани ҳақида хабар берган эди. Қайд этилишича, у ўзининг асосий устуворлиги можарога барҳам бериш эканини, ҳеч қандай аниқ ҳудудий натижага боғлиқ эмаслигини очиқ айтган.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг