Филиппинлик афсонавий боксчи яна рингга қайтмоқда
Архив фото
Шу йилнинг 28 июль куни Япониянинг Сайтама шаҳрида «Super RIZIN 3» турнири доирасида филиппинлик афсонавий боксчи Мэнни Пакьяо мезбонлар вакили Чихиро Сузукига қарши рингга чиқади. Бу ҳақда «Boxing News» нашри хабар бермоқда.
Унинг рақиби RIZIN турнирининг амалдаги чемпиони ҳисобланади. Жанг ҳар бири уч дақиқалик уч раунддан иборат бўлади.
Пакьяо 1995 йилда 16 ёшида ўзининг биринчи профессионал жангини ўтказган ва 1998 йилда «WBC Flyweight» чемпионлик камарини қўлга киритган. У сўнгги жангини 2021 йилда Йорденис Угасга қарши ўтказиб, ҳакамлар қарорига кўра мағлуб бўлганди.
Мэнни Пакьяо профессионал бокс тарихида энг яхши боксчилардан бири ҳисобланади. У ўз фаолияти давомида саккиз хил вазн тоифасида ўн иккита чемпионлик камарини қўлга киритган. Бундай натижага бирорта чарм қўлқоп устаси эриша олмаган.
45 ёшли Пакьяо профессионал боксда 62 ғалаба (39 та нокаут), 8 та мағлубият (3 та нокаут) ва иккита дуранг қайд этган. 25 ёшли Сузуки эса аралаш яккакурашларда 13 ғалабага эга. У уч бор мағлубият аламини тотиб кўрган.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг