Кинематография агентлиги буюртмасига биноан, Ўзбекистон миллий кинематографияни ривожлантириш маркази ва “Alpha technologies” МЧЖ билан ҳамкорликда “Феномен” сериали суратга олинмоқда.

“Феномен” cериалда пара-психологик кучга эга бўлган ғайритабиий имкониятдаги Ҳумоюн исмли йигит тақдири ҳикоя қилинади. Кинокартинада оилага ҳурматсизлик, ҳиёнат, сутхўрлик, одам савдоси, онлайн-қимор, коррупция, гиёҳвандлик, оммавий безорилик, жиноятчилик, ширк амаллар ва тухмат каби биз жамиятда дуч келадиган ижтимоий муаммолар қораланади.

Фильм продюсери - Алишер Аҳмаджонов, режиссёр - Сардор Сагдиев, сценарий муаллифи - Сирожиддин Рустамов, Оператор - Алишер Аҳмедов.

Бош ролларни Бекзод Абдумаликов, Лола Элтоева, Мафтуна Ибрагимова, Гульшан Маршал, Зокир Очилдиев ва Муяссар Бердиқулова каби актёрлар ижро этишмоқда.

Ҳозирда сериалнинг суратга олиш жараёни ниҳояланиб, монтаж ишлари бошланган.