Фарғонада 2,1 миллиард сўмлик табиий газдан ноқонуний фойдаланган ошхона фош қилинди (+видео)
Фарғона туманида 2,1 млрд сўмлик табиий газдан ўғринча фойдаланиш ҳолати фош этилди. Бу ҳақида «Ҳудудгазтаъминот» АЖ хабар берди.
«Ҳудудгаз Фарғона» ГТФ комплаенс назорат тузилмалари, туман газ таъминоти бўлими ва Ўзенергоинспекция ходимлари иштирокида Фарғона туманида тезкор тадбир ўтказилган.
Маълум бўлишича, туманнинг «Миндон» МФЙ Чашма кўчасида жойлашган «О.» номли умумий овқатланиш масканида табиий газдан фойдаланиш ҳолати ўрганилганда, истеъмолчи газ тармоғига ҳеч қандай ҳужжат ва рухсатларсиз уланиб, «зангори ёқилғи»дан қонунга зид равишда фойдаланиб келгани фош қилинган.
Ҳозирда мазкур ҳолат бўйича тегишли тартибда далолатнома тузилган ва табиий газ ҳажмлари қайта ҳисобланган. Дастлабки ҳисоб-китобларга кўра, ушбу қонунбузилиш оқибатида 2 миллиард 108 миллион сўм зарар келтирилгани маълум бўлган. Вазиятга оид барча ҳужжатлар ҳуқуқни муҳофаза қилувчи органларга юборилган.
Тавсия этамиз
Кўп ўқилганлар
- Дўстлик ва ҳамкорликни кенгайтирган форум (+фоторепортаж)
- Наманган – янгиланиш ва гўзаллик шаҳри
- Ўзбекистон ёки Миср. Қайси терма жамоа кучли?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Ногиронлиги бўлган фуқароларга 30 млн сўмгача фоизсиз ссуда ажратилади
- “Лўлилар фақат тиланчими?...” Улар яшаётган маҳалладан фоторепортаж
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг