«Манчестер Юнайтед» ғалати сабаб туфайли «Этихад» стадионидаги барменини ишдан бўшатди. Бу ҳақда «The Guardian» нашри хабар берди.

Жорий йилнинг 14 сентябрь куни Англия Премьер-лигаси 4-тури доирасида «Манчестер Сити» ва «Манчестер Юнайтед» жамоалари ўртасида ўйин бўлиб ўтди. «Этихад» стадионида кечган баҳс майдон эгаларининг 3:0 ҳисобидаги ғалабаси билан якунланди.

Маълум бўлишича, дерби бўлган куни стадионнинг 315-секторида ишлаган бармен «Манчестер Юнайтед» жамоаси либосини кийиб, мижозларга хизмат қилган.

Манбага кўра, ушбу ҳолат ижтимоий тармоқларда «Манчестер Сити» мухлисларининг кескин эътирозларига сабаб бўлган. Шундан сўнг клуб ушбу бармен ишдан бўшатилганини эълон қилган.

«Манчестер Сити»нинг қарори футбол мухлисларини икки томонлама фикрга ундади. Бир томон клуб раҳбариятининг қарорини қўллаб-қувватлаган бўлса, иккинчи томон оддий бир барменнинг рақиб жамоа либосида хизмат қилгани учун ишдан бўшатилишини ҳаддан ташқари кескин чора сифатида баҳолаган.

Бу воқеа футболнинг нафақат майдон ичида, балки ташқарисидаги кескин рақобат ва эмоцияларга бой спорт эканини кўрсатиб берди.