“Manchester Yunayted” gʻalati sabab tufayli “Etixad” stadionidagi barmenini ishdan boʻshatdi. Bu haqda “The Guardian” nashri xabar berdi.

Joriy yilning 14-sentyabr kuni Angliya Premyer-ligasi 4-turi doirasida “Manchester Siti” va “Manchester Yunayted” jamoalari oʻrtasida oʻyin boʻlib oʻtdi. “Etixad” stadionida kechgan bahs maydon egalarining 3:0 hisobidagi gʻalabasi bilan yakunlandi.

Maʼlum boʻlishicha, derbi boʻlgan kuni stadionning 315-sektorida ishlagan barmen “Manchester Yunayted” jamoasi libosini kiyib, mijozlarga xizmat qilgan.

Manbaga koʻra, ushbu holat ijtimoiy tarmoqlarda “Manchester Siti” muxlislarining keskin eʼtirozlariga sabab boʻlgan. Shundan soʻng klub ushbu barmen ishdan boʻshatilganini eʼlon qilgan.

“Manchester Siti”ning qarori futbol muxlislarini ikki tomonlama fikrga undadi. Bir tomon klub rahbariyatining qarorini qoʻllab-quvvatlagan boʻlsa, ikkinchi tomon oddiy bir barmenning raqib jamoa libosida xizmat qilgani uchun ishdan boʻshatilishini haddan tashqari keskin chora sifatida baholagan.

Bu voqea futbolning nafaqat maydon ichida, balki tashqarisidagi keskin raqobat va emotsiyalarga boy sport ekanini koʻrsatib berdi.