Эроннинг ислоҳотчи руҳонийлари Исроил ва Фаластин можаросини икки давлат ечими орқали ҳал қилишни кўриб чиқиш зарурлигини билдиришмоқда. Бундай ўзгариш Эроннинг Исроил давлатини тан олишини англатиши мумкин.

Қом шаҳридаги ислоҳотчи руҳонийлар мажмуаси «1967 йилдан аввалги чегараларга қайтиш ва мустақил Фаластин давлати тузиш»ни таклиф қилган баёнот берган.

«Guardian»нинг ёзишича, 1979 йилдан бери Эрон инқилобий ғоялари «Ционизмга ўлим» шиорига асосланганди, бироқ бу таклиф фақат «ционистик босқиндан аввал яшаганларнинг» овоз беришини назарда тутади.

Маълумки, яқинда Саудия Арабистонида икки давлат ечими бўйича халқаро коалиция йиғилиши ўтказилди, лекин Эрон унда иштирок этмаганди. 21 октябрда берилган баёнот Қомдаги мажмуа олдида норозиликларга сабаб бўлди. Теҳрондаги ОАВлар Кайҳон мажмуасини «душман пропагандаси» деб атади ва уларнинг Исроилни тан олишини қоралади.

Бунга жавобан, руҳонийлар йиғини Исроилнинг жиноятларини тан олишини, лекин урушларни тўхтатиш учун мустақил Фаластин давлати зарурлигини қайд этди. Йиғин, Исроилни тан олмаймиз, деган қарашларини яна бир бор тасдиқлади.

Эроннинг икки давлат ечимини рад этиши минтақада дипломатик алоқаларни ўрнатишда қийинчилик туғдирмоқда. Тарихчи Араш Азизининг сўзларига кўра, Эрон сиёсий ўзгариш даврини бошдан кечирмоқда. Эрон олий етакчиси 85 ёшда ва ҳукуматда янги авлод кучга кириши лозим.

Азизи, Эроннинг «Исроилни йўқ қилишни исташ ва урушни рад этиш» сиёсатини қайта кўриб чиқиш вақти келганини айтяпти. Собиқ ташқи ишлар вазири Муҳаммад Жавад Зариф ҳам эронликларнинг ҳукуматнинг ҳаддан ташқари Фаластин тарафдори бўлган сиёсатидан чарчаганини билдирган.

Бу воқеа аслида Эрон ўзининг Фаластин масаласидаги позициясини қайта кўриб чиқиши учун янги имкониятлар пайдо бўлиши йўлидаги «театри» бўлиши ҳам мумкин. Ҳозирча қўшимча маълумотлар мавжуд эмас.

Аввалроқ, қайси енгил автомобил Ўзбекистонда кўпроқ ишлаб чиқарилгани ҳақида хабар берилганди.