Екатерина Шубина маррага энг охирги бўлиб келди, аммо ярим финал учун курашда қолади
Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.
Байдаркада эшкак эшиш бўйича Ўзбекистон терма жамоаси аъзоси Екатерина Шубина «Париж-2024» ёзги Олимпиадасидаги иштирокини бошлади.
Қайд этиш керакки, юртдошларимиз орасида биринчи бўлиб Екатерина Шубина 500 метр масофага кечган саралаш босқичида стартга чиқди.
5-гуруҳда ҳаракат қилган Шубина 1:58.37 дақиқа билан 6-бўлиб марра чизиғини кесиб ўтди. Энди юртдошимиз чорак финал орқали ярим финал йўлланмаси учун курашни давом эттиради.
Шубина Екатерина Вячеславовна 1988 йил 2 майда туғилган. «Пекин-2008», «Лондон-2012», «Рио-2016» ва «Токио-2020» ёзги Олимпия ўйинларининг квалификацион мусобақаларида ўта олмаган, бироқ «Париж-2024» мусобақасига йўлланма олди.
Байдаркачи қизимиз фаолияти давомида Осиё ўйинларида 2 та кумуш ва 3 та бронза медалларига сазовор бўлган. Шунингдек, қитъа чемпионати ва Жаҳон кубоги босқчиларида ҳам бир неча бор шоҳсупага кўтарилган.
Аввалроқ, Асадхўжа Мўйдинхўжаев Париж Олимпиадаси олтини учун рингга чиқиши ҳақида хабар берилганди.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг