Фото: ESPN телеканали иллюстрацияси  

Германиянинг «Боруссия Дортмунд» клуби ҳужумчиси Эрлинг Холанд ESPN телеканали талқини бўйича 21 ёшгача бўлган дунёнинг яхши футболчиси деб топилди.

Телеканал рўйхатидан жами 39 нафар футболчи жой олган. Улар 75 нафар ёш чарм тўп усталаридан иборат бўлган катта рўйхатдан танлаб олинган. Футболчилар энг юқори даражадаги ўйинлар сони, узоқ вақт давомида барқарор ўйин кўрсатиш ва келажакда юқори савияли ўйинчи бўлиш имконияти каби мезонлар асосида танлаб олинган.

Дортмунднинг «Боруссия» клубининг 21 ёшли норвегиялик ҳужумчиси Эрлинг Холанд биринчи, «Барселона»нинг 19 ёшли испаниялик ярим ҳимоячиси Педри учинчи, «Манчестер Сити»нинг 21 ёшли англиялик ярим ҳимоячиси Фил Фоден учинчи ўринни эгаллади.

Шунингдек, кучли ўнликдан Жуд Беллингем (Англия) «Боруссия Дортмунд», Винициус Жуниор (Бразилия) «Реал», Букаё Сака (Англия) «Арсенал», Жамол Муциала (Германия) «Бавария», Флориан Вирс (Германия) «Байер», Алфонсо Девис (Канада) «Бавария», Гави (Испания) «Барселона» каби ёш футболчилар жой олган.

Энг яхши топилган 39 нафар ёш футболчининг 8 нафари Англия фуқароси ҳисобланади. Шунингдек, рўйхатдан 5 нафар испаниялик, тўрт нафар Франциялик, уч нафардан АҚШлик, германиялик, бразилиялик, икки нафардан нидерландиялик ва бельгиялик ёш чарм тўп устаси жой олган. 

Ушбу футболчиларнинг 27 нафари (ҳар бир чемпионатда тўққиз нафардан) Англия, Испания ва Германия чемпионатларининг юқори лигаларида тўп суради.