Дрифт қилишга уринган икки йигит ЙТҲ оқибатида вафот этди

17:53 04 Февраль 2025 Жамият
292 0

Қашқадарё вилояти Қарши шаҳрида 19 ёшли икки йигит ЙТҲ оқибатида ҳалок бўлди. Бу тўғрида «Hudud» информацион дастурида хабар берилди.

Унга кўра, 30 январь куни соат 17:00лар атрофида шаҳарнинг Насаф кўчасида «Nexia-3» автомобили билан мудҳиш йўл транспорт ҳодисаси содир бўлди. Машина рулида 19 ёшли йигит бўлган. У икки нафар таниши билан бирга автомобиль бошқариб келаётган вақтида дрифт қилишга уринган, аммо тезликни тўғри баҳолай олмай руль бошқарувини йўқотиб, йўл четидаги дарахтга бориб урилган.

Воқеа натижасида автомашина салонида бўлган икки нафар 19 ёшли йигит вафот этди. Ҳолат юзасидан тергов ҳаракатлари олиб борилмоқда.

Аввалроқ шу кунда Фарғона вилоятида «BYD Song EV» ва «Damas» иштирокида йўл-транспорт ҳодисаси содир бўлганлиги ҳақида хабар берган эдик. Бу воқеада ҳам руль бошқарувида бўлган 17 ёшли бола вафот этганди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?