Дарахтларни ноқонуний кесган фуқаро 25 миллион сўмдан ортиқ жаримага тортилди
Кенг кўламли тарғибот ишлари, жорий этилган тақиқлар ва қатъий жазо чораларига қарамай, жойларда дарахтларни ноқонуний кесиш ҳолатлари ҳамон учраб турибди.
Хусусан, махсус ўтказилган текширувлар давомида Самарқанд шаҳрида фуқаро А.И. ҳеч қандай тегишли рухсатномаларсиз табиий ҳолда ўсган 7 туп мевали ва манзарали дарахт ҳамда 10 туп бутасимон дарахтни ноқонуний равишда кесиб ташлагани аниқланди.
Ушбу қонунбузарлик ҳолати юзасидан фуқарога нисбатан Ўзбекистон Республикаси Маъмурий жавобгарлик тўғрисидаги кодексининг 79-моддаси 1-қисмига асосан маъмурий баённома расмийлаштирилди. Натижада унга базавий ҳисоблаш миқдорининг 25 баробарига тенг — 10 миллион 300 минг сўм жарима қўлланилди. Шунингдек, табиатга етказилган зарар учун қўшимча равишда 15 миллион 450 минг сўм ундириш белгиланди.
Таъкидлаш жоизки, дарахт ва буталарни муҳофаза қилиш экологик барқарорликни таъминлашнинг муҳим шартларидан бири бўлиб, бу борада қонун талабларига қатъий риоя этиш ҳар бир фуқаронинг бурчидир.
Абдулазиз ЙЎЛДОШЕВ, «Халқ сўзи».
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Эркинжон Турдимов: «Муаммо бинода эмас, муаммо раҳбар ва унинг иш услубида»
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- Президент прокуратура органлари ходимлари ва фахрийларига табрик йўллади
- Ўзбекистонда 2025 йилда 150 тоннадан ортиқ сифатли қон тайёрланган
- “Катта сакраш” ёхуд Ўзбекистон сунъий интеллект ва рақамли технологиялар ривожида янги босқичга қадам қўйди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг