Бухорода МИБ ходимига қаршилик кўрсатган фуқаро жавобгарликка тортилди

21:41 06 Август 2021 Жамият
510 0

МИБ Ғиждувон тумани бўлими давлат ижрочиси Я. Ҳолиқов ва У. Эргашевлар қарздор “Trans Atlas” МЧЖдан 28 миллион 409 минг сўм солиқ қарзини ундириш тўғрисидаги Ғиждувон туман Давлат солиқ инспекциясининг ижро ҳужжати юзасидан 2021 йил 10 мартда чиқарилган қарор билан таништириш, шунингдек қарорга асосан қарздорнинг мол-мулкларини кўздан кечириб, хатлаш ижро ҳаракатларини ўтказиш мақсадида МЧЖ раҳбари С.Аслоновнинг яшаш манзилига боришганида қарздор ўзини носамимий тутиб, давлат ижрочиси Я.Ҳолиқовни ножўя сўзлар билан ҳақорат қилиб, тан жароҳати етказган.

Мазкур ҳолат бўйича Ўзбекистон Республикаси Жиноят кодексининг 219-моддаси 2-қисми билан жиноий иш қўзғатилиб, жиноят иши судга юборилган.

Жиноят ишлари бўйича Ғиждувон туман судининг ҳукмига кўра С. Аслонов Ўзбекистон Республикаси ЖКнинг 219-моддаси 2-қисми ва 140-моддаси 3-қисми «а» банди билан айбдор деб топилиб, ойлик иш ҳақининг 20 фоизини давлат даромадига ундириш шарти билан 3 (уч) йил муддатга ахлоқ тузатиш ишларри жазоси тайинланди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?