Бу турнир Месси учун охиргиси бўлади. Футболчининг ўзи буни тасдиқлади
Фото: Goal.com
Футбол юлдузи, Аргентина терма жамоаси сардори Лионель Месси «Copa America – 2024» спортчи учун сўнггиси бўлишини айтиб ўтди. У бу ҳақда «Mundo Deportivo» нашрига берган интервьюсида маълум қилди.
«Бу Аргентина учун қийин Америка кубоги бўлди, жамоаларнинг таркиби тенг. АҚШдаги мусобақада майдонлар жуда ёмон, ҳаво ҳарорати эса жуда баланд. Мен учун бу охирги Америка кубоги. Биз Ди Мария ва Отаменди билан бирга 2 йил олдин сўнгги Жаҳон чемпионатимизда тўп тепган эдик, ҳозир эса биргаликда охирги ўйинларимизни ўйнаяпмиз ва бундан тўла завқ оляпмиз», деган Месси.
Маълумот учун айтиш мумкинки, амалдаги Жаҳон чемпионлари «Copa America»нинг финалида Хамес Родрегез бошчилигидаги Колумбия билан баҳс олиб боради.
Қайд этиш керакки, Месси ярим финалда Канада терма жамоасига урган голи билан миллий терма жамоалар ўртасидаги расмий учрашувларда энг кўп гол урган иккинчи футболчига айланганди. Аргентиналик ҳисобида 109 та гол бор ва у эронлик Али Даеидан ўтиб кетди. Рўйхатни эса Криштиану Роналду бошқариб бормоқда.
Аввалроқ Юрген Клопп АҚШ терма жамоасини бошқариши мумкинлигини ҳақида хабар берилганди.
Тавсия этамиз
Кўп ўқилганлар
- Сенатда Қатар Шўро кенгаши Раиси билан учрашув бўлиб ўтди
- Ўзбекистондаги Ислом цивилизацияси маркази ва БААнинг «Манара» маркази ўртасида ҳамкорлик меморандуми имзоланди
- Самарқандда «Марказий Осиё — Европа Иттифоқи» биринчи саммити ўз ишини бошлади
- Эҳтиёжманд оилаларга электр ва газ бўйича компенсация берилади
- Баҳодир Жалолов профессионал боксда илк бор тўлиқ 10 раунд жанг ўтказди
- Ўзбекистонда доимий аҳоли сони ҳар куни неча кишига ошяпти?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг