Тошкент вилояти божхона бошқармаси раҳбарияти ҳамда Давлат божхона қўмитаси билан ҳамкорликда қайта ишлар корхоналари раҳбарлари учун “Божхона ҳудудида қайта ишлаш” божхона режимининг афзалликлари ва қулайликлари, шунингдек, мамлакатимизда тадбиркорлик субъектлари учун яратилаётган енгилликлар” мавзусида учрашув ташкил этилди.

Учрашувда Божхона қўмитаси, ташқи иқтисодий фаолияти иштирокчилари, Савдо-саноат палатаси ва Солиқ бошқармаси масъул ходимлари иштирок этишди.  

Янгийўл туманида жойлашган “Global komsco Daewoo” корхонаси қоғоз ишлаб чиқаришга ихтисослашган бўлиб, ҳозирда 200 дан ортиқ аҳоли бандлиги таъминланган. Корхона жорий йил 9 ой давомида қайта ишлаш маҳсулотларининг экспорт кўрсаткичи 16 млн 200 минг АҚШ долларини ташкил этган. Хориждан 300минг. АҚШ долларлик хом ашё олиб кирган.

Шунингдек, “International paper” МЧЖ қоғоз маҳсулотлар ишлаб чиқаришга ихтисослашган бўлиб, ҳозирда 300 дан ортиқ аҳоли бандлиги таъминланган. Корхона жорий йил 9 ой давомида қайта ишлаш маҳсулотларининг экспорт кўрсаткичи 4 млн 600 минг АҚШ долларини ташкил этган. Хориждан 8 млн. АҚШ долларлик хом ашё олиб кирган.

Тумандаги “Imperial Granit” корхонаси эса мармар маҳсулотларини ишлаб чиқаришга ихтисослашган бўлиб, ҳозирда 150 дан ортиқ аҳоли бандлиги таъминланган. Корхонанинг жорий йил 9 ой давомида қайта ишлаш маҳсулотларининг экспорт кўрсаткичи 545 минг АҚШ долларини ташкил этган. Хориждан 450 минг АҚШ долларлик хом ашё олиб кирган.

Учрашувнинг асосий мақсади — "Божхона ҳудудида қайта ишлаш" божхона режимига расмийлаштириш тартиби бўйича Ўзбекистон Республикаси Президентининг 2022 йил 25 апрелдаги 115-сон Фармони билан хориждан импорт қилинадиган хомашё ва материалларни қайта ишлаш истагида бўлган тадбиркорлик субъектлари ушбу божхона режимидан фойдаланилганда, божхона тўловлари ундирилмаслиги ва иқтисодий сиёсат чоралари қўлланилмаслиги каби афзалликлари билан кенг имкониятлар билан таништириш бўлди.

Учрашувда иштирокчиларга мамлакатимиз қайта ишлаш корхоналарини хом ашё билан мунтазам таъминлаш, ишланган маҳсулотларини экспорт географиясини кенгайтириш ҳамда ҳажмини кўпайтириш ва турларини кенгайтириш учун қабул қилинган Фармон билан берилаётган имтиёзлар тушунтирилди.

Тадбирда ташқи иқтисодий фаолият иштирокчилари ўзларини қизиқтирган барча саволларга мутахассислардан батафсил жавоблар олишди.