Бўш иш ўринлари — янги имкониятлар манбаи
Булоқбоши туманида ишсиз фуқароларнинг бандлигини таъминлаш, доимий даромад манбаига эга қилиш ва аҳолини ижтимоий ҳимоялаш мақсадида бўш иш ўринлари ярмаркаси ўтказилди.
Унда туман ҳудудидаги корхона ва ташкилотлар, тадбиркорлик субъектлари ўзларидаги мавжуд бўш иш ўринлари билан иштирок этди. Ярмаркага 100 нафардан ортиқ ишсиз фуқаролар жалб қилинди, улар учун турли соҳаларда иш таклифлари тақдим этилди.
— Анчадан буён ўзимга муносиб иш топа олмаётгандим, — дейди тадбир иштирокчиси Санжарбек Мирзоҳидов. — Бугунги ярмаркада иштирок этиб, “FAYZ-M” трикотаж ишлаб чиқариш корхонасида ишга жойлашдим. Корхонадаги иш муҳити, меҳнат шароити ва жамоа муносабати менга маъқул келди. Ойлик маош ҳам етарли, меҳнат интизоми талаб даражасида. Энди ўз фаолиятим билан оилам фаровонлигига ҳисса қўшиш ниятим бор.
Ярмарка якунида 20 нафардан зиёд фуқаролар доимий иш ўринларига эга бўлди. Бу каби тадбирлар нафақат ишсизликни камайтиради, балки одамларнинг меҳнатга ва ўз келажагига бўлган ишончини ҳам мустаҳкамлайди.
Саминжон ҲУСАНОВ
«Халқ сўзи».
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Трамп Корея яриморолидаги можарога якун ясашга ваъда берди
- АҚШ Россияга босим ўтказишнинг муқобил усулларини ўрганмоқда
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг