Боливия ҳукумати Исроил билан дипломатик алоқаларни узди

02:02 01 Ноябрь 2023 Дунё
125 0

Фото: Reuters

Боливия ташқи ишлар вазири ўринбосари Фредди Мамани журналистларга мамлакат ҳукумати яҳудий давлатининг Ғазо секторидаги ҳаракатлари фонида Исроил билан дипломатик муносабатларни узаётганини маълум қилди.

“Боливия Исроил билан дипломатик муносабатларни узишга қарор қилди”, деди дипломат.

Вазир ўринбосарининг сўзларига кўра, Боливия Исроилнинг Ғазо секторидаги агрессив ҳаракатларини қоралайди ва уларни халқаро даражада тинчлик ва барқарорликка таҳдид деб атайди.

Олдинроқ, НАТО бош котиби Йенс Столтенберг Исроил ҳукумати Ғазо секторидаги тинч аҳоли ҳимоясини таъминлаши кераклигини таъкидлаганди.

“Биз ҲАМАСнинг Исроилга қарши терактларини қоралаймиз. Шу билан бирга, Исроилнинг жавоб чоралари халқаро ҳуқуқ доирасида амалга оширилиши, тинч аҳоли ҳаёти ҳимоя қилиниши ва инсонпарварлик ёрдами Ғазога етиб бориши муҳим”, — деди Столтенберг.

Ғазо секторидаги қарама-қаршилик шу йилнинг 7 октябрь куни бошланди. Шу куни эрталаб ҲАМАС Исроилга қарши “Ал-Ақса тўфони” деб номланган ҳарбий операция бошлади ва ҳаводан зарбалар берди. Минглаб жангарилар яҳудийлар давлати ҳудудига бостириб кириб, ўнлаб ҳарбий техника ва юздан ортиқ инсонни гаровга олган.

Шу фонда Исроил Бош вазири Бинямин Нетаньяху мамлакат уруш ҳолатида эканлигини эълон қилди. Исроил мудофаа кучларининг жавоб операцияси “Темир қиличлар” деб аталди ва унинг мақсадларидан бири ҲАМАСни йўқ қилиш ҳисобланади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?