Фото: Бахтиёр Саидов / Telegram

Ташқи ишлар вазири Бахтиёр Саидов бугун, 21 июнь куни Словения ва Колумбиянинг Ўзбекистондаги янги элчиларидан ишонч ёрлиқларини қабул қилиб олди. Бу ҳақда ТИВ раҳбари ўзининг Телеграм каналида маълум қилди.

«Словениянинг Ўзбекистондаги элчиси этиб тайинланган Даря Бавдаж Курет хонимнинг ишонч ёрлиқларини қабул қилишдан мамнунмиз. ўртасидаги икки ва кўп томонлама ҳамкорликнинг асосий устувор йўналишларини муҳокама қилдик. Элчи хонимга ўсиб бораётган муносабатларимизнинг салмоқли салоҳиятини оширишда улкан муваффақиятлар тилаймиз», деб ёзган вазир.

Шунингдек, Саидов вазирликда Колумбиянинг Ўзбекистондаги Фавқулодда ва мухтор элчиси Эктор Исидро Аренас Нейра билан ҳам учрашиб, унинг ишонч ёрлиқларини қабул қилиб олган.

Маълум қилинишича, учрашувда икки томонлама алоқаларимизни чуқурлаштириш, ишбилармонлик, сиёсий, маданий ҳамкорликни ҳамда халқ дипломатиясини ривожлантириш муҳимлиги таъкидланган.

«Жаноб элчини янги лавозими билан табриклаймиз», дейди Ўзбекистон Ташқи ишлар вазири.