Foto: Baxtiyor Saidov / Telegram

Tashqi ishlar vaziri Baxtiyor Saidov bugun, 21-iyun kuni Sloveniya va Kolumbiyaning Oʻzbekistondagi yangi elchilaridan ishonch yorliqlarini qabul qilib oldi. Bu haqda TIV rahbari oʻzining Telegram kanalida maʼlum qildi.

“Sloveniyaning Oʻzbekistondagi elchisi etib tayinlangan Darya Bavdaj Kuret xonimning ishonch yorliqlarini qabul qilishdan mamnunmiz. oʻrtasidagi ikki va koʻp tomonlama hamkorlikning asosiy ustuvor yoʻnalishlarini muhokama qildik. Elchi xonimga oʻsib borayotgan munosabatlarimizning salmoqli salohiyatini oshirishda ulkan muvaffaqiyatlar tilaymiz”, deb yozgan vazir.

Shuningdek, Saidov vazirlikda Kolumbiyaning Oʻzbekistondagi Favqulodda va muxtor elchisi Ektor Isidro Arenas Neyra bilan ham uchrashib, uning ishonch yorliqlarini qabul qilib olgan.

Maʼlum qilinishicha, uchrashuvda ikki tomonlama aloqalarimizni chuqurlashtirish, ishbilarmonlik, siyosiy, madaniy hamkorlikni hamda xalq diplomatiyasini rivojlantirish muhimligi taʼkidlangan.

“Janob еlchini yangi lavozimi bilan tabriklaymiz”, deydi Oʻzbekiston Tashqi ishlar vaziri.