ЖЧ-2026 саралаш боcқичи сўнгги тур баҳслари доирасидаги Ўзбекистон – Қатар учрашуви ўз якунига етди. Ушбу учрашувда терма жамоамиз мундиал йўлланмасини нақд қилган жамоа сифатида майдонга чиқди.

Ўйиннинг биринчи бўлими дастлабки дақиқалариданоқ ҳамюртларимиз устунликни ўз томонига оғдира олишди. Кетма-кет ҳужумлар натижасида, 28 дақиқага келиб Азизбек Турғунбоев икки нафар Қатар терма жамоаси ҳимоячиларини доғда қолдирган ҳолда чиройли зарбаси билан ҳисобни очди.

Биринчи бўлимнинг сўнгги дақиқасигача йигитларимизда қатор имкониятлар бўлди, бироқ ҳисоб ўзгаришсиз қолди. Иккинчи бўлимнинг дастлабки дақиқалариданоқ терма жамоамиз аъзолари ҳужумкор ўйин намойиш этишди. Шундай ҳужумларнинг бирида, 86 дақиқада терма жамоамиз сардори Элдор Шомуродов қийин пасни бўйсундириб, Қатар дарвозасини ишғол қилди ва ҳисобни иккита гол фарқига оширди.

Учрашувнинг асосий қисмига қўшиб берилган вақтда, эндигина майдонга тушган Игор Сергеев ҳам ўз номини таблога ёзиб қўйишга муваффақ бўлди. Шу тариқа Ўзбекистон миллий терма жамоамиз ЖЧ-2026 саралаш боcқичи сўнгги тур ўйинида Қатар терма жамоасига ҳеч қандай имконият қолдирмади. Учрашув, йирик, 3:0 ҳисобида ҳамюртларимиз фойдасига ҳал бўлди.