Иллюстратив фото

АҚШнинг Вашингтон штатида истиқомат қилувчи аёл коронавирусга қарши "Johnson & Johnson" вакцинаси билан эмланганидан сўнг ҳаётдан кўз юмган. 

"Fox News" телеканали хабарига кўра, ўлим препарат юборилганидан сўнг томирларда қоннинг ивиши — тромбларнинг ҳосил бўлиши туфайли юз берган.

Аёл 40 ёшда бўлган ва у Кинг округида яшаган. У 26 август куни вакцина қабул қилган. Орадан бир ҳафта ўтиб у ҳаётдан кўз юмган. Сиетл ва Кинг округи соғлиқни сақлаш бошқармаси расмий баёнотида марҳумга камдан-кам учрайдиган, аммо жиддий касаллик — тромбоцитопения синдроми (ТТС) ташхиси қўйилганини маълум қилди. Бу мазкур синдром туфайли Вашингтонда қайд этилган биринчи ўлим ҳолати ҳисобланади.

Аввал ҳам "Johnson & Johnson" вакцинасини олган айрим одамларда ушбу синдром қайд этилгани маълум қилинган эди.

Аввалроқ, АҚШ Озиқ-овқат ва дори воситалари назорати бошқармаси (Food and Drug Administration – FDA) "Johnson & Johnson" компаниясининг коронавирусга қарши вакцинаси камёб отоиммун касалликнинг ривожланиш хавфини ошириши мумкинлигини эълон қилмоқчи бўлгани ҳақида хабар берилган эди. Аниқлик киритилишича, АҚШда ушбу препаратни қабул қилган беморларда мушакларнинг кучсизлиги ва сезувчанлик бузилиши билан кечадиган периферик нервларнинг отоиммун шикастланиши — Гуиллаин-Баррé синдроми тахминан 3-5 баробар кўпроқ ривожланиши кузатилган.