АҚШда хорижлик талабалар ва журналистлар учун виза қоидаларини кучайтириш таклиф қилинди
АҚШ Хавфсизлик департаменти хорижлик журналистлар, талабалар ва алмашинув дастурлари орқали келувчилар учун виза қоидаларини ўзгартиришни таклиф этди. Бу ҳақда ТАСС хабар берди.
Таъкидланишича, янги тартиб хорижликларнинг вақтинчалик туриши давомида уларнинг фаолияти ва режаларини назорат қилишни осонлаштиради, шунингдек, улар АҚШ қонунларига риоя қилаётганини баҳолаш имконини яратади.
Маълумот учун, хорижлик журналистлар, талабалар ва алмашинув дастурларида иштирок этувчиларга мос равишда I, F ва J тоифадаги визалар берилади. Ушбу визаларда аниқ муддат кўрсатилмаган бўлиб, асосан сафар мақсад ва шартлари сақланса, мамлакатда қолиш мумкин.
Янги таклифга кўра:
— хорижлик журналистлар АҚШда 240 кунгача ишлаш ҳуқуқига эга бўлади, кейин муддат узайтирилиши мумкин;
— Хитой фуқаролари учун эса ушбу муддат 90 кун билан чекланиши назарда тутилган;
— хорижлик талабалар ва алмашинув дастури иштирокчилари мамлакатда ўқиш ёки дастур давомийлиги мобайнида қолиши мумкин, бироқ 4 йилдан ортиқ эмас.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг