АҚШ ноқонуний муҳожирларни ҳибсга олиш ва депортация қилиш суръатларини оширмоқчи
АҚШ президенти Дональд Трамп маъмурияти мамлакат бўйлаб ноқонуний муҳожирларни ҳибсга олиш ва депортация қилиш жараёнларини жадаллаштириш ниятида, деб хабар берди ТАСС.
АҚШ Ички хавфсизлик вазирининг ёрдамчиси Триша Маклафлиннинг сўзларига кўра:
«Олдинда ҳали катта ишлар турибди. Биз ҳибсга олишлар сонини кескин оширишни хоҳлаймиз. Бунга бизга зарур маблағ ажратадиган «кенг қамровли, ажойиб қонун лойиҳаси» ёрдам беради. Ишончим комилки, биз сезиларли натижаларга эришамиз».
Маклафлиннинг таъкидлашича, Иммиграция ва божхона полицияси (ICE) ходимлари штатини кенгайтириш бу мақсадга эришишда муҳим роль ўйнайди.
У, шунингдек, Трампнинг иккинчи президентлик даври давомида ҳуқуқни муҳофаза қилиш идоралари 500 мингдан ортиқ ноқонуний муҳожирни ҳибсга олгани, яна 1,6 миллион киши эса депортация таҳдиди сабаб мамлакатни ўз ихтиёри билан тарк этганини қайд этди.
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон миллий терма жамоасининг халқаро мусобақа учун қайдномаси эълон қилинди
- “Доҳа — Қатарнинг юраги, тунги ритмда уриб турган шаҳар”
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг