Фото: U.S. Navy

АҚШнинг энг йирик "Жеральд Форд" авиаташувчи кемаси Туркиянинг Анталия портига кирди.

“QTerminals“ порти директори Ўзгут Серт АҚШнинг энг йирик самолёт ташувчиси "Жеральд Форд" Туркиянинг Анталия портига кирганини маълум қилди.

Америка кемаси бортида 4,5 минг киши бўлган. Сертнинг айтишича, самолёт ташувчи экипажнинг Анталияга ташрифи мамлакат иқтисодиётига катта ҳисса қўшади.

"Жеральд Форд" кемаси экипажи Анталия атрофида айланиб, харид қилишди. Сайёҳлар ва Анталия аҳолиси, ўз навбатида, кемани қизиқиш билан кузатмоқда”, — деб изоҳ берди порт раҳбари кеманинг етиб келишини.

Бунгача АҚШ "Рональд Рейган" атом авиаташувчиси Ветнамнинг Данонг портига етиб келганини маълум қилган эди.

Бу Вьетнам портларига Америка авиаташувчиларининг учинчи кириши ҳисобланади.  Бунгача 2018 ва 2020 йилларда АҚШнинг йирик кемалари мазкур мамлакат портларига "меҳмон" бўлганди.

2023 йилда АҚШ ва Вьетнам стратегик ҳамкорликнинг ўн йиллигини нишонлайди. Мамлакатлар ўртасидаги муносабатларнинг нормаллашуви 1995 йилда содир бўлди.

Аввалроқ, КХДР АҚШ сув ости кемасининг Жанубий Кореяга киришини "ядро қуролидан фойдаланиш шарти" деб атаган эди.