Foto: U.S. Navy

AQSHning eng yirik "Jerald Ford" aviatashuvchi kemasi Turkiyaning Antaliya portiga kirdi.

“QTerminals“ porti direktori Oʻzgut Sert AQSHning eng yirik samolyot tashuvchisi "Jerald Ford" Turkiyaning Antaliya portiga kirganini maʼlum qildi.

Amerika kemasi bortida 4,5 ming kishi boʻlgan. Sertning aytishicha, samolyot tashuvchi ekipajning Antaliyaga tashrifi mamlakat iqtisodiyotiga katta hissa qoʻshadi.

"Jerald Ford" kemasi ekipaji Antaliya atrofida aylanib, xarid qilishdi. Sayyohlar va Antaliya aholisi, oʻz navbatida, kemani qiziqish bilan kuzatmoqda”, — deb izoh berdi port rahbari kemaning yetib kelishini.

Bungacha AQSH "Ronald Reygan" atom aviatashuvchisi Vetnamning Danong portiga yetib kelganini maʼlum qilgan edi.

Bu Vyetnam portlariga Amerika aviatashuvchilarining uchinchi kirishi hisoblanadi.  Bungacha 2018 va 2020-yillarda AQSHning yirik kemalari mazkur mamlakat portlariga “mehmon” boʻlgandi.

2023-yilda AQSH va Vyetnam strategik hamkorlikning oʻn yilligini nishonlaydi. Mamlakatlar oʻrtasidagi munosabatlarning normallashuvi 1995-yilda sodir boʻldi.

Avvalroq, KXDR AQSH suv osti kemasining Janubiy Koreyaga kirishini "yadro qurolidan foydalanish sharti" deb atagan edi.