Жорий йилнинг 30 август куни «Ўзбекистон Президентининг тадбиркорлар билан тўртинчи очиқ мулоқотида белгиланган вазифаларни амалга ошириш чора-тадбирлари тўғрисида»ги Президент фармони қабул қилинди.

Ҳужжатга кўра, 2024 йил 1 октябрдан туроператорлик ва меҳмонхона хизматларини, 2025 йил 1 январдан умумий овқатланиш хизматларини кўрсатувчи тадбиркорларга 2028 йил 1 январгача ҳар ойнинг 25 санасига қадар тўланган ҚҚСнинг бир қисмини қуйидаги миқдорларда республика буджетидан қайтариш тизими жорий этилади:

ойлик товар айланмасининг нақд пульсиз қисми:

• 60 фоиздан ошган умумий овқатланиш корхоналарига – буджетга тўланган ҚҚСнинг 40 фоизи;
• 60 фоиздан кам умумий овқатланиш корхоналарига – буджетга тўланган ҚҚСнинг 20 фоизи;
• туроператорлик ва меҳмонхона хизматларини кўрсатувчи тадбиркорларга – буджетга тўланган ҚҚСнинг 20 фоизи.

2024 йил 1 ноябрдан барча учун очиқ ҳолатда юритиладиган Инсон ҳаёти ва соғлиғига юқори хавф солувчи омиллар реестри жорий қилинади.

2025 йил 1 январдан назорат қилувчи органлар томонидан тадбиркорлар фаолиятини тўхтатиб туришга фақатгина реестрга киритилган омиллар асосида йўл қўйилади.

2025 йил 1 январдан назорат қилувчи органлар томонидан тадбиркорлар фаолиятида ҳуқуқбузарлик содир этиш хавфини аниқлаш бўйича «Хавфни таҳлил қилиш» электрон тизими жорий этилади.