Абжир чавандозлар беллашуви

09:36 16 Ноябрь 2021 Спорт
606 0

Фото: Қорабайир отлари маҳорат мактаби

Ангор туманидаги Деҳқонбирлашув маҳалласининг Қорақир кенгликларида навбатдаги улоқ-кўпкари мусобақаси ташкил этилди.

Мусобақа қизиқарли ва шиддатли кечди. «Сурхондарё вилояти Қорабайир зотли отлари» шиори остида ўтказилган бу галги миллий от спорти ўйинлари, Миллий гвардия, Туризм ва спорт бошқармаси, Ангор, Музработ ҳамда Шеробод туманлари ҳокимликлари ҳамкорлигида ташкил этилди. 

Унда воҳалик билагида кучи бор, абжир чавандозлар беллашдилар. Уларнинг тўдадан улоқни айириб чиқишида отининг чидамлиги жуда ҳам муҳимдир. Бундай мусобақаларда Қорабайир отлари ўта чайирлиги, чарчамаслиги, тезкорлиги билан ажралиб туради. 

Мазкур мардлар ўйинида ҳам ушбу зотдаги отларнинг хусусиятлари яна бир бор намоён бўлди. 

Беллашувларда ғолиб бўлган моҳир чавандоз полвонлар, ташкилотчилар томонидан қимматбаҳо совғалар билан тақдирланди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер