Abjir chavandozlar bellashuvi

09:36 16 Noyabr 2021 Sport
654 0

Angor tumanidagi Dehqonbirlashuv mahallasining Qoraqir kengliklarida navbatdagi uloq-koʻpkari musobaqasi tashkil etildi.

Musobaqa qiziqarli va shiddatli kechdi. “Surxondaryo viloyati Qorabayir zotli otlari” shiori ostida oʻtkazilgan bu galgi milliy ot sporti oʻyinlari, Milliy gvardiya, Turizm va sport boshqarmasi, Angor, Muzrabot hamda Sherobod tumanlari hokimliklari hamkorligida tashkil etildi. 

Unda vohalik bilagida kuchi bor, abjir chavandozlar bellashdilar. Ularning toʻdadan uloqni ayirib chiqishida otining chidamligi juda ham muhimdir. Bunday musobaqalarda Qorabayir otlari oʻta chayirligi, charchamasligi, tezkorligi bilan ajralib turadi. 

Mazkur mardlar oʻyinida ham ushbu zotdagi otlarning xususiyatlari yana bir bor namoyon boʻldi. 

Bellashuvlarda gʻolib boʻlgan mohir chavandoz polvonlar, tashkilotchilar tomonidan qimmatbaho sovgʻalar bilan taqdirlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?